نكت عن مبارك بعد الثوره

**mmmm44556670** الأحد يونيو 10, 2012 1:24 pm

بسم الله الرحمن الرحيم
إن الحمد لله نحمده وستعينه ونستغفره ونتوب إليه واشهد إن لا اله إلا الله وان محمد رسول عليك أفضل الصلاة والسلام يا حبيبي يا رسول الله ....................................... إما بعد
زورنا الكرام أقدم أليكم هزا الموضوع

الرئيس التونسى السابق يتصل بروتانا و يهدى أغنية "بستناك " لحسنى مبارك ، وفي مداخلة عاجلة للرئيس المصري لنفس القناة ، صرح بأننا لسنا مثل تونس وأهدى الشعب المصرى أغنية "أخاصمك آه أسيبك لا"

عاجل من التلفزيون المصرى : تم كشف فرقة سرية من سلاحف النينجا فى ميدان التحرير مع فرقة اخرى من البوكيمون وانباء تتردد عن مجىء الكابتن ماجد للاستيلاء على الحكم

مؤكد : مبارك يأمر كل القنوات الفضائية أن تزيع أغنية هشام عباس : هتقولي امشي مش هامشي هتجيبلي حد يقولي امشى مبمشييش !!!!!

واحد من الشعب قابل نائب الرئيس السيد عمر سليمان ، قال له : يا سيادة النائب ، الشعب يطالب بالرحيل
رد السيد عمر سليمان : اللي عاوز يرحل يرحل ؟ حد مسكه ؟

اكتشاف خطير : الراجل بتاع كنتاكي أبو دقن بيضا ، طلع إخوان ، فاحذروا المؤامرة التي يخطط لها من زمان يا شباب ، دي صوره في كل مكان وتم اختراق الإعلام بيها منذ فترة ، ياااه ،

راغبى التميز : يوجد قسم شرطة إيجار جديد 3 حجز و 2 حجز انفرادى و2 حمام و بوفية شاى و يوجد 3 بلكونات 2 بيبصوا على الشارع و بلجراج يشترط أسرة للاستعلام يرجى الاتصال ب 122 -

أمين شرطة عنده ولدين سقطوا فى الامتحان أخدوا الشهادة عشان يمضوها من أبوهم الأول أبوه اداله علقة ولطشه وحرمه من المصروف التانى اداله الشهاده فأبوه بص وقاله ماشى بس حاول المرة اللى جاية تحسن نفسك فسأل الواد الواد الأول أخوه التانى قالوا غريبة اشمعنى يعنى أنا انضربت وأنت لا قالوا مافيش اديت الشهادة لابويا وتحتيها 5 جنيه

واحد قدم لمبارك سلحفاة في عيد ميلاده ، فقال له : إيه القرف ده ؟ رد الرجل : يا ريس دي بتعيش 300 سنة ، رد مبارك : ممم طيب خلاص أدينا هنشوف

أمنية واحد مصري : يا ريت مبارك كان ضربنا إحنا الضربة الجوية ، وراح حكم إسرائيل 30 سنة ، كان زمانهم بيشحتوا دلوقتي

في إطار محاكمه أحمد عز سألوه من أين لك هذا قال هذا من فضل ربي.رد عليه الشيطان و قاله آه يا واطي يا ناكر الجميل

عاجل جدا :الجراح العالمى مجدى يعقوب يصل الى مصر لعمل جراحة فصل التوأمين مبارك والكرسى

هذا الخبر حقيقة وليس نكتة للأسف : متصلة بالتلفزيون المصرى: أنا ساكنة في ميدان التحرير وأؤكد أن كل اللى في الميدان أخوان مسلمين. المذيع : عرفتي ازاي؟
قالت : شفتهم بعيني بيتوضوا و بعدين يصلوا.....!!!!!!

عاجل جدا : بعد إقصاء صفوت الشريف و جمال مبارك و زكريا عزمي و هلال الشعب يطالب مبارك بتطليق سوزان

اجل : الرئيس الليبي معمر القذافي في لقاء تليفزيوني مخاطبا شعبه إثر اندلاع الثورة في مصر قائلا : المرأه لازم تأخذ حقوقها كاملة سواء كانت "ذكر" أم أنثى

أبليس شاف 3 ملايين بيصلوا في ميدان التحرير راح مصوت وقال الله يخرب بيتك يا مبارك بقالي 30 سنة أضلل فيهم وأنت بعماليك السودا دي تخليهم يتجمعوا ويصلوا ؟ وهتف مع المتظاهرين "يسقط يسقط حسني مبارك"!

بعد ثورة مصر وتونس يوم الجمعة ، القذافي قرر إلغاء صلاة الجمعة في ليبيا

السلام الجديد بين الزعماء العرب هو "الثورة عليكم ورحمة الله وبركاته

(الرئيس مبارك قال إنا خسارة في المصريين وتنحي وقرر إنه يرشح نفسه لرئاسة تونس، مما دفع ملايين التونسيين إلى المطالبة بعودة زين العابدين بن علي.". ( زين العابدين لما عرف بعت رسالة لمبارك يقوله له فيها :
متنساش تجيب دراع البليستيشن معاك – رد مبارك قائلا : لا تعايرنى ولا أعايرك الشعب خالعنى وخالعك)

مبارك بعد ما مات قابل السادات وعبد الناصر، سألوه: هاه؟ سم ولا منصة؟ رد عليهم بحرقة وقال: فيسبوك

واحد لقي الفانوس السحري ودعكه.. طلعله العفريت وقاله: شبيك لبيك تطلب إيه؟ قاله الراجل: أنا عايز كوبري بين القاهرة وأسوان، العفريت قاله: دي صعبة قوي.. نقي حاجة تانية، الراجل قاله: خلاص خلي حسني مبارك يسيب الحكم، العفريت قاله: انت عايز الكوبري رايح جاي؟ ولا رايح بس

بلطجي سألته قناة الجزيرة إنتوا ليه بترموا مولوتوف علي الشباب ، فرد قائلا :" العيال دول بيرموا علينا قنابل "بلوتوث"

شهود عيان فى أروقة وزارة التربية والتعليم أفادوا أنه تم تأجيل امتحانات الدور التانى إلى أجل غير مسمى، معللين هذا بأن النظام سقط وعاوز وقت عشان يلحق يذاكر

عقد الريس جلسة مع وزير الداخلية السابق حبيب العادلي قاله حزينا: منعت الحشيش يا فالح؟ أهو الشعب صحصح

مبارك قال لأعوانه : فين الفلوس ؟ فقالوا له أنت ناسي يا ريس أننا انفقنا علي البلطجية والحمير في موقعة الجحش

مبارك قبل خلعه اتصل بعمر سليمان وقال له ابعت الفلوس علي شرم الشيخ وابعت المسلمين علي السعودية والمسيحيين علي أمريكا واقفل وهات المفتاح وتعالي

علان وظيفي نشره مبارك بعد تنحيه كتب فيه : رئيس سابق يبحث عن وظيفة .. خبرة في إنشاء الكباري متعددة الطوابق .. والمعتقلات شديدة الوحشية.. ولديه قدرة خاصة على التناحة

سألوا الرئيس عن رأيه في التغيير، قال : التغيير ده سنة الحياة . قالوا :طب وسياتك مش هتتغير؟ قال : أنا فرض مش سنة

واحد بيسأل الثاني إذا انتصرنا عالحكومة وفزنا عليهم حيحصل إيه ؟رد عليه الثاني : حنلعب مع تونس عالنهائي

الموضوع منقول

دعاء
اللهم اغفر لنا ذنوبنا
ووسع لنا في ديارنا
وبارك لنا في رزقنا
وعفنا في صحتنا وفي بدنينا
اللهم ارزقنا بلزوجة الصالحة والأبناء الصالحين
اللهم لا تحرمنا من لقاء وجهك الكريم
ولا من دخول جنتك ولا من زيارة بيتك الحرام
اللهم أنا قد حرمنا من رؤية نبيك في الدنيا فلا تحرمنا منه في الاخره
اللهم فك كربي وكرب المسلمين اجماعين
اللهم أحسن خاتمتنا اللهم أحسن خاتمتنا
اللهم أمين يا رب العالمين
منتدى ابوشابون يرحب بكم أيها الزور الكرام

نكت عن مبارك بعد الثوره 760360931

السلام عليكم ورحمة الله وباركته